.:: تفاصيل البراءة ::.

[ تفاصيل البراءة ]

يِمرْ الما على شفاهْ اليباسْ وينبت / النّسرين
......................وامُر البالْ/ باحْلامه غديرْ وغيمةٍ خَجْلَهْ

أَفِكْ ازْرارَها يِتْلَعْثَمْ بْهذا الخجل ( تشرين)
.....................أَفزّز من عصافير الحكي عصفورهْ لْأََجْلَهْ

أسولِفْلَهْ عن أحْلامي عن احْزاني عن الـ / تّكوين
....................عن أوّل دمعةٍ هزّت عُيوني وِحْدَرَتْ عَجْلَهْ

أَشَكّلْ من تراتيل الغلا / معزوفة التّلوين
.................ألوّن في شَغَبْ طفله /أَضِجْ احساسْ من أَجْلَهْ

تعال بْشرفةْ ضْلوعي/ تعال وْطَيّرْ التّخْمين
.......................وِخَلّكْ جانبي مِثْلَ الفَرَحْ تَعْويذَهْ بـْ حِجْلَهْ

تعالْ وْشاغب احْساسي ولاتسأَلْ / مِدانا وين؟
................مَـ دام الطّهْر يِتْمَرْجَحْ مَـ بين ظْروفِنا الوَجْلَهْ

تعالْ الطّفل واجيلِكْ براءهْ تِسْتِفِزْ الطّين
......................تعال وْغَمّضْ عيوني وِغرّقني كما / دِجْلَهْ

وِتِسْأَلْ :مين انا ؟ ..واضْحك : تِصدّق ماعرفتك مين!!
..................وتضحك / تفتح عيوني :أحبك موت يا ( نَجْلَهْ)

تِوَحّشْتْ التّفاصيل الصّغيرة بيننا الاثنين
........................تعال امْلا تفاصيلي / حكايا معشبة هَجْلَهْ

تعال انبتْ على شفاه اليباس وعلّم النّسْرين
....................بِأَنْ الصّدق بِعْيونك / قميصْ الغيم / يُنسَجْ لَهْ